ՏԵՍԱՆՅՈՒԹ. Կրակոցներ Քիշնևի օդանավակայանում. ուղևորները տարհանվել են

Մոլդովայի մայրաքաղաք Քիշնեւի օդանավակայանում ուղեւորներից մեկը կրակ է բացել։ Այս մասին հայտնում է NewsMaker-ը։

Խոսքը օտարերկրացու մասին է, ում արգելել են մուտք գործել Մոլդովա։

Ոստիկանության գլխավոր տեսչության կապի բաժնի պետ Դայանա Ֆետկոն հաստատել է օդանավակայանում կրակոցների մասին տեղեկությունը։ լրատվականը գրում է նաեւ, որ, չհաստատված տեղեկությունների համաձայն, կրակոցների հետեւանքով վիրավորվել է սահմանապահ ոստիկանության աշխատակից։

Օդանավակայանից մարդիկ տարհանվել են: Չհաստատված տեղեկությունների համաձայն անվտանգության աշխատակիցը սպանվել  է սեփական ատրճանակով, որը նրանից խլել է հարձակվողը։

Միաժամանակ տեղական լրատվամիջոցները հայտնում են, որ կրակողն արդեն կալանավորվել է։ Մոլդովայի ՆԳՆ-ն հաստատում է հանցագործի ձերբակալության մասին տեղեկությունը: Ձերբակալության ժամանակ հարձակվողը վիրավորվել է։

Հավելենք, որ այս պահի առկա տեղեկություններով կա 2 զոհ, որոնցից մեկը սահմանապահ է: