ՏԵՍԱՆՅՈՒԹ. Հունաստանի ափերի մոտ տասնյակ զբոսաշրջիկներ տեղափոխող նավ է հրդեհվել
Հունական Հռոդոս կղզու մոտ տասնյակ զբոսաշրջիկներ տեղափոխող նավ է հրդեհվել. համապատասխան տեսանյութը հրապարակել է Daily Mail-ը:
Հրդեհը, որն ամբողջությամբ պատել է նավը, բռնկվել է այն ժամանակ, երբ փոխադրամիջոցը ափից գտնվել է մոտ 300 մետր հեռավորության վրա:
Ուղևորները պատմել են, թե ինչպես են ստիպած եղել նետվել ջուրը, քանի որ ամբողջ փայտե տախտակամածը սկսել է այրվել:
Հունաստանի առափնյա պահպանությունը հայտնել է, որ բոլոր 82 ուղևորներն ի վերջո ցամաք են տարվել: Նշվում է, որ նավն ամբողջությամբ ավերվել է և խորտակվել:
