Մադոննան դեռ իրեն վատ է զգում և վեր չի կենում անկողնուց․ TMZ

Մադոննան, ով ավելի վաղ դուրս էր գրվել հիվանդանոցից՝ բակտերիալ ինֆեկցիայի պատճառով բուժում ստանալուց հետո, դեռ իրեն վատ է զգում և վեր չի կենում անկողնուց, հաղորդում է TMZ-ը։ 

Նրա խոսքով՝ 64-ամյա երգչուհին, ով գտնվում է Նյու Յորքի իր տանը, դեռ տանջվում է սրտխառնոցի նոպաներից։ Չնայած թուլությանը, երգչուհին ցանկանում է սկսել իր հոբելյանական շրջագայությունը, ինչպես նախատեսված էր, բայց նրա մենեջեր Գայ Օզրին դիտարկում է առաջին, հուլիսի 15-ին ծրագրված համերգ հետաձգելու տարբերակները:

Ավելի վաղ հայտնել էինք, որ Մադոննան դուրս է գրվել հիվանդանոցից, որտեղ նա հայտնվել էր անցած շաբաթ օրը։ Նշվում է, որ երգչուհին շարունակում է մնալ բժիշկների հսկողության տակ։