Լավրովը խոսել է հացահատիկի գործարքի խզման դեպքում ՌԴ-ի գործողությունների մասին
ՌԴ ԱԳ նախարար Սերգեյ Լավրովը ճեպազրույցի ժամանակ ասել է, որ Ռուսաստանն իր հաշվին հացահատիկ կմատակարարի ամենաաղքատ երկրներին, եթե հացահատիկի գործարքը խզվի։ Այս մասին հայտնում է ՏԱՍՍ-ը։
Լավրովի խոսքով՝ հացահատիկը կմատակարարվի ամբողջությամբ։
«Սևծովյան նախաձեռնության դադարեցման դեպքում մենք մեր հաշվին կապահովենք հացահատիկի համադրելի կամ ավելի մեծ խմբաքանակի մատակարարում ամենաաղքատ երկրներին»,-ասել է ՌԴ ԱԳՆ ղեկավարը։
Հունիսի 27-ին Թուրքիայի ԱԳՆ-ն հայտնել է, որ նախարարության ղեկավար Հաքան Ֆիդանը հեռախոսազրույցի ընթացքում քննարկել է հացահատիկի գործարքը և Սիրիային մարդասիրական օգնություն տրամադրելու հարցը։
Ավելի վաղ հայտնել էինք, որ ԱՄՆ պետքարտուղար Էնթոնի Բլինկենը և Թուրքիայի արտգործնախարարը քննարկել են նաև հացահատիկի գործարքը։ Բլինկենը ողջունել է Թուրքիայի աջակցությունն Ուկրաինային:
