Իսպանիայում 223 մլն եվրոյի կոկաին են առգրավել․ 13 մարդ բերման է ենթարկվել

Իսպանիայի քաղաքացիական գվարդիան կասեցրել է հանցավոր խմբի գործունեությունը, որը զբաղվում էր Հարավային Ամերիկայից Իսպանիա մեծաքանակ թմրանյութերի ներկրմամբ։ Այս մասին ասվում է իրավապահ մարմինների մամուլի հաղորդագրությունում։ 

Հայտնի է, որ կոկաինը Իսպանիա է մտել Ալխեսիրաս նավահանգստով (Անդալուսիայի ինքնավար համայնք)։ Գործողության ընթացքում ոստիկանությունը բերման է ենթարկել 13 մարդու, ովքեր փորձել են բանանով տարաներով թմրանյութ ներմուծել երկիր։

Քաղաքացիական գվարդիայի տվյալներով՝ առգրավվել է ավելի քան 6,5 տոննա կոկաին, որի արժեքը սև շուկայում կարող է գերազանցել 233 միլիոն եվրոն։ Իրավապահ մարմինները առգրավել են նաև գրեթե 1,5 միլիոն եվրո։