Եվրապատգամավոր Սպելերբերգը և Գերմանիայի դեսպանության պաշտոնյան մասնակցել են Երասխում ԵՄ պարեկությանը
Եվրախորհրդարանի գերմանացի պատգամավոր Մերլե Սպելերբերգը և Երևանում Գերմանիայի դեսպանության գործերի ժամանակավոր հավատարմատար Էրիկ Թինտրուպը երեկ այցելել են Ջերմուկում գտնվող Եվրոպական դիտորդական առաքելության օպերատիվ կենտրոն։ Այս մասին տեղեկանում ենք Հայաստանում ԵՄ դիտորդական առաքելության թվիթերյան միկրոբլոգից:
Այն բանից հետո, երբ եվրոպացի դիտորդները ներկայացրել են ներկա իրավիճակը, պատվիրակությունը միացել է Երասխում պարեկությանը՝ տեղում իրավիճակը գնահատելու համար, ասվում է Հայաստանում ԵՄ դիտորդական առաքելության թվիթերյան միկրոբլոգում:
Հիշեցնենք՝ վերջին օրերին Ադրբեջանական կողմը հաճախակի կրակ է բացում Երասխի ուղղությամբ։
