Աղի հատիկից էլ փոքր, Louis Vuitton-ի դիզայնով պայուսկը աճուրդում վաճառվել է ավելի քան 63.000 դոլարով

Միկրոսկոպիկ չափսերի (657 x 222 x 700 միկրոն) պայուսակը Joopiter առցանց աճուրդում վաճառվել է ավելի քան 63.000 դոլարով:

Մարդու աչքին հազիվ տեսանելի դեղնականաչավուն պայուսակը հիմնված է հայտնի Louis Vuitton նորաձևության տան ձեռքի պայուսակների դիզայնի վրա, թեև լյուքս դասի ապրանքանիշի հետ որևէ առնչություն չունի և New York art collective-ի գործն է:

Նշվում է, որ պայուսակն աղի հատիկից էլ փոքր է:

Պայուսակը ստեղծվել է երկու ֆոտոնային պոլիմերացման միջոցով՝ արտադրության տեխնոլոգիա, որն օգտագործվում է միկրո մասշտաբով պլաստիկ մասերի 3D տպագրության համար: Այն վաճառվել է թվային էկրանով հագեցած մանրադիտակի հետ, որի միջոցով կարելի է դիտել պայուսակը:

[aeb8ec2b9cba0955c75f6f63cb801294.jpg]

[0b03182d6758b35d2d3276d7bf2b7526.webp]