Մոտ 16 տարի կպահանջվի, որպեսզի Ուկրաինայի ԶՈՒ-ն ամբողջությամբ ազատագրեն իրենց տարածքները․ The Washington post
Մոտ 16 տարի կպահանջվի, որպեսզի Ուկրաինայի Զինված ուժերնամբողջությամբ ազատագրեն իրենց տարածքները։ Այս մասին գրում է The Washington Post-ը՝ հրապարակելով իր հեղինակային հոդվածը, որտեղ անդրադառնում է ռուս-ուկրաինական՝ արդեն մեկ տարուց ավելի շարունակվող հակամարտությանը։
Հոդվածում նշվում է, որ այսօր Ռուսաստանը վերահսկում է Ուկրաինայի տարածքի մոտ 17 տոկոսը:
«Եթե առաջիկայում Ուկրաինայի Զինված ուժերը հաջողեն առաջնագծում և շարունակեն ներկայիս տեմպերով, ապա Ուկրաինական Զինված ուժերը կկարողանան ազատագրել գրավյալ տարածքները, սակայն դրա համար տարիներ են պահանջվում»։
Միաժամանակ The Washington Post-ի հոդվածում նշվում է, որ եթե երկու կողմերը հասնեն փոխհամաձայնության կամ նույնիսկ փաստացի զինադադարի, ապա ակնկալվում է, որ բոլոր կողմերը կհայտարարեն «հաղթանակ» այն ամենի համար, ինչին հասած կլինեն հենց այդ պահին։
