44–օրյա պատերազմում շատ դեպքերում զոհեր եղել են ոչ թե մարտի դաշտում, այլ տեղաշարժվելիս. Փաշինյան

Հայկական կողմը 44–օրյա պատերազմի ընթացքում շատ դեպքերում զոհեր է ունեցել ոչ թե մարտի դաշտում, այլ տեղաշարժվելիս։ Այսօր ԱԺ–ում 44-օրյա պատերազմի հանգամանքները քննող հանձնաժողովի նիստում այս մասին ասել է ՀՀ վարչապետ Նիկոլ Փաշինյանը։

2020 թ–ի պատերազմը, ըստ Նիկոլ Փաշինյանի, ապացուցեց, որ հայկական բանակի շարժունակությունն ամենամեծ խնդիրներից մեկն է։

«Պատերազմի ընթացքում, իմ տեսակետից, ամենամեծ պրոբլեմն այն էր, որ մեր բանակը իր շարժվելու մեթոդների մեջ պրոբլեմ ուներ` մեծ մեքենաներ, մեծ խմբեր, մեծ տեսանելիություն...»,– ասել է նա։

Նիկոլ Փաշինյանը չի ընդունում այն պնդումները, թե բանակը հենց այդպես էլ պետք է տեղաշարժվի։