ՏԵՍԱՆՅՈՒԹ․ Պրիգոժինի ապստամբությունից հետո Շոյգուն առաջին անգամ երևացել է տեսախցիկների առաջ

ՌԴ պաշտպանության նախարար Սերգեյ Շոյգուն հատուկ ռազմական գործողության գոտում ստուգել է զորքերի «Արևմտյան» խմբավորման առաջնային կառավարման կետը։ Այս մասին տեղեկացնում է ՌԻԱ Նովոստին՝ հղում անելով ՌԴ պաշտպանության նախարարությանը։

«Հատուկ ռազմական գործողության անցկացման գոտում աշխատանքի ընթացքում Ռուսաստանի Դաշնության պաշտպանության նախարար, բանակի գեներալ Սերգեյ Շոյգուն ստուգել է զորքերի «Արևմտյան» խմբավորման միավորումներից մեկի առաջնագծային կառավարման կետը:

Հրամանատարական կետում Ռուսաստանի ռազմական գերատեսչության ղեկավարը լսել է խմբավորման հրամանատար, գեներալ-գնդապետ Եվգենի Նիկիֆորովի զեկույցը ընթացիկ իրավիճակի, հակառակորդի գործողությունների բնույթի և հիմնական մարտավարական ուղղություններում ռուսական զորքերի կողմից մարտական խնդիրների կատարման վերաբերյալ»,-ասել են գերատեսչությունում:

Բացի այդ, նախարարությունում հավելել են, որ խմբավորման հրամանատարը Սերգեյ Շոյգուին զեկուցել է զորքերի «Արևմտյան» խմբավորման համար նոր ձևավորվող պահեստազորի գնդերի ձեւավորման և անցկացվող մարտական ներդաշնակեցման մասին:

Հիշեցնենք՝ «Վագներ» ռազմական խմբավորման առաջնորդ Պրիգոժինը հայտարարել է, թե ՌԴ ՊՆ Շոյգուն որոշել է ոչնչացնել իր խմբավորումը և սկսել ապստամբություն։