Մակրոնն ասել է, որ պատրաստ է խոսել Պուտինի հետ, եթե ՌԴ նախագահը նման ցանկություն հայտնի
Ֆրանսիայի նախագահ Էմանուել Մակրոնը հայտարարել է, որ պատրաստ է խոսել իր ռուս գործընկեր Վլադիմիր Պուտինի հետ, եթե ՌԴ ղեկավարը նման ցանկություն հայտնի։ Այս մասին գրում է TACC-ը:
«Իհարկե, ես կպատասխանեմ, եթե Պուտինը զանգի», - ուրբաթ օրը France 24-ին տված հարցազրույցում ասել է Մակրոնը:
«Ես` ինքս, զանգահարելու պատճառ չունեմ։ Ուկրաինական հակահարձակումն ընթանում է: Հուսով եմ, որ կգա Ուկրաինայի պայմանների շուրջ բանակցությունների ժամանակը։ Բայց եթե նա ինձ կանչի` ինչ-որ բան առաջարկելու, այդ ժամանակ ես կպատասխանեմ, քանի որ Ֆրանսիան միշտ միջնորդ երկիր է եղել»։
Մակրոնի խոսքով՝ «այսօր երկխոսության վերսկսումը հնարավոր է միայն այն դեպքում, եթե վերադարձ լինի միջազգային իրավունքին, որն ապահովում է խաղաղ ապրելու հնարավորությունը»։
