Զելենսկին արգելել է գրքերի ներմուծումը Ռուսաստանից և Բելառուսից

Ուկրաինայի նախագահ Վլադիմիր Զելենսկին արգելել է հրատարակչական արտադրանքի ներմուծումը Ռուսաստանից և Բելառուսից։ Համապատասխան օրենքը երկրի ղեկավարը ստորագրել է այսօր՝ հունիսի 22-ին: Այս մասին  գրում է kommersant.ru-ն։

«Ես ստորագրել եմ «Ուկրաինայի որոշ օրենքներում փոփոխություններ կատարելու մասին» օրենքը՝ ագրեսոր պետության, Բելառուսի Հանրապետության, Ուկրաինայի ժամանակավոր օկուպացված տարածքի վերաբերյալ հրատարակչական ապրանքների ներմուծման և տարածման սահմանափակումներ սահմանելու մասին: Օրենքը ճիշտ եմ համարում»,- գրել է Զելենսկին Telegram-ի իր ալիքում:

Օրենքի տեքստն ուղարկվել է ԵՄ կառույցներ՝ լրացուցիչ գնահատելու, թե արդյոք օրենքի որոշ նորմեր կարող են ազդել փոքրամասնությունների իրավունքների պաշտպանության առումով պարտավորությունների կատարման վրա:

Ուկրաինայի քաղաքացիները պահանջել են հաստատել օրենքը։ Համապատասխան միջնորդությունը երկրի նախագահի կայքում ներկայացվել է մայիսի 16-ին։ Այն ստորագրել է 25 հազար մարդ։ 
 

Սակայն  դեռ երեկ՝ հունիսի 21-ին, Վլադիմիր Զելենսկին ասել է, որ չի կարող ստորագրել օրենքը «մի շարք վերապահումների պատճառով»։

Ուկրաինայի արդարադատության նախարարությունն առաջարկել է կիրառել վետոյի իրավունքը նշված օրենքի նկատմամբ, քանի որ «հրատարակչական ապրանքների ներմուծման և տարածման համար դրանում սահմանված նորմերը կունենան Ուկրաինայի Սահմանադրությունը»։

Գերատեսչության դիրքորոշմանը աջակցել է նաև Ուկրաինայի արտաքին գործերի նախարարությունը։ Նախարարությունը մատնանշել է, որ օրենքի ներկայիս ձևակերպումը «չի համապատասխանում մարդու իրավունքների ոլորտում ԵՄ նորմերին և չափանիշներին»։