Մասկը պաշտպանել է Սաքսի՝ Ուկրաինայի զինված ուժերի հարձակման ձախողման մասին հոդվածը
Գործարար Իլոն Մասկը Twitter-ում մեկնաբանել է տնտեսագետ Դեյվիդ Սաքսի «Ձախողված հակահարձակումը և աշխարհը, որը կարող էր լինել» հոդվածը։ Ըստ հեղինակի՝ Կիևը չի հասնում ի սկզբանե նշված նպատակներից որևէ մեկին և չի կարող «արգելափակել դեպի Ղրիմ տանող ցամաքային կամուրջը», իսկ Մոսկվան կարող է վերահսկողություն հաստատել մեծ տարածքների վրա և հաղթել։
«Լավ ասացիր»,- գրել է Մասկը Սաքսի գրառման տակ։
Իր հոդվածում ամերիկացի տնտեսագետը չի համաձայնել Ուկրաինային «իսրայելական կարգավիճակ» տրամադրելու առաջարկին, որը ենթադրում է անվտանգության երաշխիքներ, զենքի առաքում և միջոցների հատկացում։
Սաքսը պարզաբանել է. «Սա այն չէ, ինչի տակ ստորագերլ է Ամերիկյան ժողովուրդը»:
Հեղինակի կարծիքով՝ հակամարտության սկզբում հնարավոր էր խաղաղ լուծում։ Նա հիշեցրել է Ռուսաստանի և Ուկրաինայի միջև համաձայնագրի նախագիծը, որը Վլադիմիր Պուտինը ներկայացրել է աֆրիկյան պետությունների պատվիրակություններին։
