Նոր տրոլեյբուսները հուլիսի առաջին տասնօրյակում երթուղի դուրս կգան
Նոր տրոլեյբուսները երթուղի դուրս կգան հուլիսի առաջին տասնօրյակում։ Այսօր Երևանի քաղաքապետարանի գործակարգավարական նիստի ժամանակ հայտարարել է Երևանի քաղաքապետարանի տրանսպորտի վարչության պետի ժամանակավոր պաշտոնակատար Վազգեն Հարությունյանը։
«Մնում է միայն ավագանու հաստատումը, առաջիկա ավագանու նիստից 7-10 օր հետո տրոլեյբուսները դուրս կգան երթուղի»,– ասել է նա։
Հիշեցնենենք՝ Երևանի ավագանու հերթական նիստը տեղի կունենա 2023 թվականի հունիսի 27-ին։
Ինչ վերաբերում է տրոլեյբուսների նոր խմբաքանակի գնմանը, ապա հերթական մրցույթն արդեն հայտարարված է։
«Գնահատումը իրականացրել ենք, ունենք հաղթող մասնակից, պայմանագիրն առաջիկա օրերին կծանուցվի»,– ասել է նա։
