Իրանում ալկոհոլից թունավորվածների թիվը հասել է 171-ի

Իրանի հյուսիսում գտնվող Ալբորզ նահանգում զանգվածային թունավորման դեպք է գրանցվել։ Այս մասին հայտնում է ՌԻԱ Նովոստին` հղում անելով IRNA գործակալությանը։

«Վերջին հինգ օրում մեթանոլ պարունակող ալկոհոլից թունավորվածների թիվը հասել է 171-ի»,- ասել է նահանգի բժշկական համալսարանի դեկան Շահրամ Սայադին։ 

Մեթանոլ պարունակող ալկոհոլի տարածման համար 6 հոգի բերման է ենթարկվել։ Հետաքննությունը պարզել է, որ այդ խմիչքի արտադրողները փչացած տեխնիկական սպիրտ են ձեռք բերել մարմնի սփրեյ արտադրող գործարանից, որտեղ իրավապահները 6,5 հազար լիտր սպիրտ են առգրավել։

Գործարանի արտադրությունը դադարեցվել է։