Արմեն Աշոտյանը տեղափոխվել է ձերբակալվածների պահման վայր
ՀՀԿ փոխնախագահ Արմեն Աշոտյանի գործով դատական որոշումը կհրապարակվի այսօր ժամը 12:00-ին:
Արմեն Աշոտյանին տեղափոխել են ձերբակալվածների պահման վայր: Լրագրողներին նիստից հետո ասել է փաստաբան Տիգրան Աթանեսյանը:։
«Իմ և Աշոտյանի ոչ մի հարցին քննիչը չկարողացավ պատասխանել, տեսանելի էր, որ դատավորը ամեն ինչ հասկանում է, բայց շատ հույսեր չունեմ»,–ասել է Աթանեսյանը։
Նշենք, որ Արմեն Աշոտյանին մեղադրանք է առաջադրվել պաշտոնեական դիրքի չարաշահման և փողերի լվացման հոդվածներով։ Նրա նկատմամբ 2022 թվականի նոյեմբերին խափանման միջոց է ընտրվել երկրից չհեռանալու մասին ստորագրությունը, սակայն երեկ նա կրկին ձերբակալվել է։
Քննչական կոմիտեն Աշոտյանի ձերբակալումը հիմնավորում է ՀՀ քրեական դատավարության օրենսգրքի 112-րդ հոդվածով (խափանման միջոցի պայմանների խախտում)։
