«Ադրբեջանը Հայաստանի տարածքում դրոշ չի տեղադրել». Հաջիզադե
«Պնդումները, թե Ադրբեջանը իր դրոշն է բարձրացրել Հայաստանի տարածքում, իրականությանը չեն համապատասխանում», - այսօր թվիթերյան իր միկրոբլոկում գրել է Ադրբեջանի ԱԳՆ պաշտոնական ներկայացուցիչ Այխան Հաջիզադեն։
«Երեկ, երբ Ադրբեջանի ինքնիշխան տարածք հանդիսացող Հակարիի կամրջի վրա գտնվող Լաչինի սահմանապահ անցակետում բարձրացվել է Ադրբեջանի դրոշը, Սահմանապահ ծառայության աշխատակիցների ուղղությամբ կրակ է բացվել։ Այդ կամուրջը կառուցվել է Ադրբեջանի կողմից՝ կարճ ժամակահատվածում, և պնդումները, թե դրոշը բարձրացվել է Հայաստանի տարածքում, անհիմն են», - պնդել է Հաջիզադեն։
Հայկական կողմն ընդգծում է, որ երեկ ադրբեջանցիները փորձել են առաջ շարժվել և Ադրբեջանի դրոշը տեղադրել Հայաստանի՛ տարածքում, համացանցում նաև համապատասխան տեսանյութեր են տարածվել:
Հիշեցնենք՝ երեկ համացանցում տարածվել են այն կադրերը, որտեղ երևում է, թե ինչպես են ազերիները փորձում ռուս խաղաղապահների հետ դրոշ տեղադրել ՀՀ տարածքում։
