ՏԵՍԱՆՅՈՒԹ․ «Ժիրինովսկու» տեսքով նեյրոցանցը պատասխանել է ներկաների հարցերին
Ռուսաստանի լիբերալ-դեմոկրատական կուսակցությունը Սանկտ Պետերբուրգի միջազգային տնտեսական ֆորումի հարթակում անցկացրել է «Ժիրինովսկի» նեյրոցանցի շնորհանդեսը, որը տարբեր հարցերի պատասխաններ է տվել կուսակցության առաջին առաջնորդ Վլադիմիր Ժիրինովսկու անունից: Այս մասին գրում Է ՏԱՍՍ-ը։
«Անմիջապես պետք է ասեմ՝ սա Ժիրինովսկին չէ: Ոչ ոք չի կարողանա ստեղծել Ժիրինովսկին և ոչ ոք չի կարողանա լինել երկրորդ Ժիրինովսկի՝ թե հիմա և թե ապագայում»,- ասել է լիբերալ-դեմոկրատական կուսակցության ղեկավար Լեոնիդ Սլուցկին։
Պետդումայի պատգամավոր Վլադիմիր Կոշելևն էլ նշել է, որ ծրագիրը միշտ տարբեր պատասխաններ է տալիս նույն հարցերին: Նրա խոսքով՝ նեյրոցանցը կարող է նույնիսկ նյարդայնանալ եւ հայհոյել, եթե նրան երկու անգամից ավելի մեկ հարց տան։
Նշենք նաև, որ «Ժիրինովսկի» նեյրոցանցը պատասխանել Է ՌԻԱ Նովոստիի այն հարցին, թե ով է լինելու ՌԴ հաջորդ նախագահը, արհեստական ինտելեկտը հայտարարել է, որ դեռ վաղ է կանխատեսումներ անել, սակայն արհեստական ինտելեկտը վստահ է, որ ռուս ժողովուրդը ճիշտ ընտրություն կկատարի եւ արժանի առաջնորդ կընտրի:
Մանրամասները՝ տեսանյութում։
