Միջնորդի անվան տակ հանդես են գալիս նրանք, ովքեր այս տարածաշրջանին խաղաղություն չեն ցանկանում
Ռուսաստանը մշտապես զբաղվում է հայ-ադրբեջանական կարգավորմամբ, չնայած այն հանգամանքին, որ «մոդերաորների» դեր կատարելու ցանկացողները շատացել են։ Այս մասին ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Իհարկե, ոչ միայն ԱԳՆ-ն, մեր դեսպանատունը, մեր փորձագետներն աշխատում են ամենօրյա ռեժիմով, մեր խաղաղապահ զորակազմն ապահովում է անվտանգությունը, սահմանապահները և այլն: Դուք տեսնում եք ակտիվություն բարձր մակարդակով, ինչպես են աշխատում արտգործնախարարները, մենք հատուկ ներկայացուցիչներ ունենք», - ասել է նա:
Զախարովան նշել է, որ կարգավորմանը ՌԴ-ի մասնակցության գործընթացն ընթանում է առանց արձակուրդային ընդմիջումների կամ ինչ-որ հանգստի: Բազմամյա բարդագույն հակամարտությունը վերջապես գործնական առումով կարգավորման հնարավորություն է ստացել։
«Կողքից մոդերացիա անել ցանկացողները շատացել են։ Աչք ծակող լուրեր հայտնվեցին, որ, հնարավոր է, ԱՄՆ-ն դրա համար նույնիսկ ուժային հնարքներ է օգտագործում։ Դա հաստատ լրացուցիչ տարր չի բերում կարգավորման գործընթացին, այլ միայն բարդացնում ու հետ է շպրտում այն։ Մենք հասկանում ենք, թե ինչի համար է դա արվում։ Քանի որ այն նախաձեռնողական քայլերը, որոնք մեր երկիրը ձեռնարկել է 2020 թվականից ի վեր՝ որպես իրական միջնորդ, և՛ Հայաստանի, և՛ Ադրբեջանի իրական բարեկամ, որը ցանկանում է կարգավորել այս իրավիճակը, շոկ են առաջացրել Արևմուտքում», - ասել է նա։
Զախարովան նշել է, որ «մոդերատորների և միջնորդների անվան տակ հանդես են գալիս նրանք, ովքեր այս տարածաշրջանին խաղաղություն և բարգավաճում չեն ցանկանում»:
Հիշեցնենք՝ ավելի վաղ ԱՄՆ–ում դիվանագիտական աղբյուրը ՌԻԱ Նովոստիին հայտնել էր, որ Վաշինգտոնը վերջնագրային ձևով պարտադրում է Լեռնային Ղարաբաղի ներկայացուցիչներին երրորդ երկրում հանդիպել Ադրբեջանի ներկայացուցիչների հետ, իսկ հրաժարվելու դեպքում սպառնում է ադրբեջանական հակաահաբեկչական գործողություն անցկացնել: Գործակալության զրուցակցի խոսքով՝ ամերիկյան խաղաղապահ նախաձեռնության լոբբինգն իրականացնում է Լեռնային Ղարաբաղի արտաքին գործերի նախարար Սերգեյ Ղազարյանը, որի շահերը լիովին համընկնում են ադրբեջանականի հետ:
Նմանատիպ հոդվածներ
Կոչ ենք անում ՌԴ խաղաղապահ ուժերին խստագույնս հետևել հրադադարի ռեժիմի պահպանմանը․ ՀՀ ԱԳՆ
Մինսկում մեկնարկել են ՀԱՊԿ երկրների ԱԳ նախարարների խորհրդի միջոցառումները
Հայաստանի, Ղազախստանի բանկերն արգելափակում են ՌԴ իրավաբանական անձանց վճարումներն էլեկտրոնիկայի շուկայում
Միրզոյանն ասել է, թե ինչու էր Էրդողանի երդմնակալության ժամանակ Փաշինյանը 2–րդ շարքում
Ավելին Քաղաքականություն բաժնից
Լուրերը մեկ տողով. Փաշինյանի ներողությունը, փախուստ ՔԿՀ-ից, պատերազմական զարգացումներ
48 ժամ՝ Իրանն արձագանքել է Թրամփի պահանջին․ կոչնչացվեն խոշորագույն ընկերությունները
Լուրերը մեկ տողով. Փաշինյան–արցախցի վեճ, հասարակական արձագանք և Մերձավոր Արևելքի լարվածություն՝ մեկ օրում
