Զովք գյուղի մոտակա սարում 2 քաղաքացի է կայծակնահարվել
Այսօր՝ հունիսի 14-ին, ժամը 09։28-ին Զովք գյուղի մոտակա սարում երկու քաղաքացի կայծակնահարվել են։ Այս մասին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել։
Սարից իջեցնելու համար անհրաժեշտ է եղել փրկարարների օգնությունը: Սակայն մինչ փրկարարների կանչի վայր հասնելը՝ Ա․ Ղ․-ն (ծնված 1982 թ.) և Մ․ Խ․-ն (ծնված 1988 թ.) տեղի ուժերով իջեցվել են սարից:
Նշվում է, որ փրկարարները տուժածներին մոտեցրել են շտապօգնության ավտոմեքենային:
