Ռուսական ուժերը հրթիռակոծել են Կրիվոյ Ռոգը. զոհերի թիվը հասել 12-ի
Կրիվոյ Ռոգի վրա ռուսական հրթիռային հարձակման զոհերի թիվը հասել է 12-ի, ավերվել է 400-ից ավելի բնակարան․ հայտնել է Կրիվոյ Ռոգի պաշտպանության խորհրդի նախագահ Ալեքսանդր Վիլկուլը։
«Այսօր մեր քաղաքում սգո օր է երեկվա ահաբեկչության հրթիռակոծության հետևանքով զոհվածների համար։ Ցավոք, արդեն 12 զոհ կա՝ գիշերը 67-ամյա տղամարդը մահացել է կյանքի հետ անհամատեղելի այրվածքներից»,- գրել է Ալեքսանդր Վիլկուլը։
Ըստ նրա` հրթիռակոծության հետեւանքները վերացնելու աշխատանքները շարունակվում են:
Նշվում է, որ ռուսական բանակը ծանր հրետանիով կրակել է Նիկոպոլի վրա։ Բացի այդ, նրանք փորձել են գրոհել տարածաշրջանը անօդաչու թռչող սարքերի օգնությամբ, որոնք խոցվել են հակաօդային պաշտպանության կողմից։ Գիշերը հրթիռային հարձակում է եղել նաև Օդեսայի վրա։ Երեք մարդ զոհվել է, առնվազն 13-ը՝ վիրավորվել։
Տուժածներին ցուցաբերվում է անհրաժեշտ օգնություն, աշխատում են բոլոր ծառայությունները։
