Ինչպես է արձագանքել Միրզոյանը Էրդողանի հայտարարության մասին հարցին

Չեմ ուզում մեկնաբանել Թուրքիայի նախագահի հայտարությունը, որը  հատկապես վերաբերում է երրորդ երկրներին։ Այս մասին ԱԺ-Կառավարություն հարցուպատասխանի ժամանակ ասել է ՀՀ արտաքին գործերի նախարար Արարատ Միզոյանը՝ պատասխանելով այն հարցին, թե՝ ինչպես է մեկնաբանում  Էրդողանի հայտարարությունն այն մասին, որ Զանգեզուրի միջանցքի հարցում խնդիրը ոչ թե Հայաստանից է գալիս, այլ՝ Իրանից։

Արարատ Միրզոյանը խոսել է տարածաշրջանային ենթակառուցվածնքների ապաշրջափակման մասին։

«Մեկ անգամ ևս վերահաստատում ենք, որ Հայաստանը մեծապես շահագրգռված է տարածաշրջանային ենթակառուցվածքների, տրանսպորտային միջոցների ապաշրջափակմամբ։

Ակնհայտ է, որ այս ենթակառուցվածքները պետք է ապաշրջափակվեն մի քանի հայտնի սկզբուքներով ինչպիսիք են՝ այն երկրների ներքո պետք է գործեն, որոնք այդ տարածքով անցնում են։ Ենթակառուցվածքները պետք  է գտնվեն այն  երկրների իրավազորությունների ներքո, որոնց  տարածքով անցնում են։ Ենթակառուցածները պետք է բացվեն հավասարության և փոխադարձության սկզբունքների հիման վրա»,- պարզաբանել է նա։

Արարատ Միրզոյանի տպավորությամբ՝ որոշակի առաջընթաց կա տարածաշրջանային ապաշրջափակման  հարցում։ Նախարարը մեկ անգամ ևս վերահաստատել է, որ Հայաստանը շահագրգռված է ենթակառուցվածքների վերագործարկմամբ, այդ թվում՝ Թուրքիայի նախագահի մեջբերած՝ Պեկին-Լոնդոն լոգիստիկ անցումների մաս կազմելով։

«Հայկական խաչմերուկի կոնցեպտում այս միջազգային ենթակառուցվածները տեղավորվում են մեր ծրագրի մեջ»,-եզրափակել է Միրզոյանը։

Հիշեցնենք՝ այսօր՝ հունիսի 14-ին, Թուրքիայի նախագահ Ռեջեփ Էրդողանը հայտարարել է, որ Զանգեզուրի միջանցքի հարցում խնդիրը ոչ թե Հայաստանից է գալիս, այլ՝ Իրանից։