ԼՈՒՍԱՆԿԱՐՆԵՐ․ Խոշոր վթար՝ «Mercedes-Benz Sprinter»- ի և «ZIL»-ի մասնակցությամբ․ կան տուժածներ

Հունիսի 13-ին, ժամը 06։31-ին Ճգնաժամային կառավարման ազգային կենտրոն ահազանգ է ստացվել, որ Երևանի Աշտարակի խճուղում՝ Նորաշեն թաղամասի մոտակայքում, տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական, Ճգնաժամային կառավարման ազգային կենտրոնի օպերատիվ խմբերը և Հոգեբանական աջակցության բաժնի հերթապահ հոգեբանը:

Պարզվել է, որ «Mercedes-Benz Sprinter» մակնիշի ավտոմեքենան դուրս է եկել ճանապարհի երթևեկելի հատվածից և բախվել կայանած «ZIL» մակնիշի բեռնատարին (վարորդ՝ Ռ․ Ի)․ «Mercedes-Benz Sprinter» մակնիշի ավտոմեքենայից առկա է վառելիքաքսուկային նյութերի արտահոսք։

Փրկարարները երեք արգելափակված քաղաքացիներին դուրս են բերել ավտոմեքենայից, տուժածներին մոտեցրել շտապօգնությանը, սահմանազատել տարածքը և հոսանքազրկել «Mercedes-Benz Sprinter» մակնիշի ավտոմեքենան։

[894196460ccd598cdb5fd6dc7858daa3.jpg]

[cb4aafda539fc5763988db602271eedc.jpg]

[19de10d7af06ff4d911cec76ee118599.jpg]

[a3d3acc0528c59dd0e763c8033826976.jpg]

[4f912e33250d045bc3f374b3c3e50396.jpg]

[8f68eeb5d8dd6c74da7cc334d81a9230.jpg]

[41ce8674b959947968e19826f85f667b.png]

[4f845ffdb050f98be2ad9775c2933b18.png]

[2e14cbac2d23bc331461766883b1d47e.png]