9 - ամյա երեխային չի առևանգել, սակայն սեռական բռնության է ենթարկել․ ստահակը որոնվում է
Արդեն մի քանի օր է համացանցում տարածվում է մի տղամարդու լուսանկար, կից նշվում․ «Ովքեր գիտեն այս անձի գտնվելու վայրը, անհապաղ դիմեք ոստիկանություն, քանի դեռ այլ երեխաների չի առևանգել»։
Auroranews-ի տվյալներով՝ նշված տղամարդն այս պահին էլ շարունակում է մնալ չնույնականացված և չհայտնաբերված։
Թեև ոստիկանությունն օրեր առաջ ոչինչ չասող հայտարարությամբ հանդես եկավ և միայն տեղեկացրեց, որ նշված տղամարդը որոնվում է, այնուամենայնիվ՝ համացանցում տարածված տեղեկությունների, Auroranews-ի ձեռքի տակ եղած տվյալների համաձայն՝ տղամարդը սեռական բռնի գործողություն է կատարել 9-ամյա աղջկա նկատմամբ։
Քննչական կոմիտեից հաստատեցին մեր ունեցած տվյալները։
«Քրեական վարույթ է նախաձեռնվել ՀՀ քրեական օրենսգրքի 198-րդ հոդվածի 4-րդ մասի հատկանիշներով (սեռական ոտնձգություն)։ Փորձաքննություն է նշանակված, երեխան տուժող է ճանաչվել, բայց հանցագործությունը կատարած անձի ինքնությունը դեռևս պարզված չէ», - մեզ հետ զրույցում նշեց ՀՀ քննչական կոմիտեի նախագահի մամուլի քարտուղար Գոռ Աբրահամյանը։
Աբրահամյանը հայտնեց նաև, որ երեխան առևանգված չէ։ ՔԿ-ից հաստատեցին, որ դեպքը տեղի է ունեցել Դավթաշենի առանձնատների հատվածում:
