Հասարակություն

ՏԵՍԱՆՅՈՒԹ․ Սոթքի հանքավայրը մասնակի աշխատում է․ Գեղարքունիքի մարզպետ

Սոթքի հանքավայրը մասնակի աշխատում է: Այս մասին ԱԺ-ում լրագրողների հետ ճեպազրույցում տեղեկացրել է Գեղարքունիքի մարզպետ Կարեն Սարգսյանը: Նա մանրամասնել է, որ հանքավայրի բաց հատվածում աշխատանքներն…

Սոթքի հանքավայրը մասնակի աշխատում է: Այս մասին ԱԺ-ում լրագրողների հետ ճեպազրույցում տեղեկացրել է Գեղարքունիքի մարզպետ Կարեն Սարգսյանը:

 

Նա մանրամասնել է, որ հանքավայրի բաց հատվածում աշխատանքներն առաջիկա ամիսներին պետք է դադարեցվեին, սակայն, անվտանգային խնդիրներից ելնելով, հիմա են դադարեցվել, իսկ փակ հանքում աշխատանքներ իրականացվում են, հանքը մասնակի աշխատում է։

 

Նրա խոսքով՝ տարբերակներ են քննարկում, որ հանքի փակման հետևանքով անգործ մնացած մարդկանց աշխատանքի տեղավորեն։

 

Հարցին` արդյոք անվտանգային իրավիճակից ելնելով արտագաղթ կա մարզում, Սարգսյանը պատասխանել է, որ նման մոնիթորինգ չեն իրականացրել, սակայն քիչ հավանական է, որ նման խնդիրների պատճառով մարդիկ դուրս գնացած լինեն։

 

«Ունենք ընտանիքներ, որ 2022 թվականի սեպտեմբերյան ագրեսիայից հետո դուրս են եկել իրենց բնակավայրերից, մի քանիսը հետ չեն վերադարձել, բայց  հիմնական հատվածը հետ է վերադարձել ու ապրում են իրենց բնակավայրերում»,- նշել է նա։

 

Մարզպետը նաև տեղեկացրեց, որ Գեղարքունիքում հակառակորդի կողմից կրակոցների ինտենսիվությունը նվազել է:

 

«Մարզում բնակիչները գյուղատնտեսական աշխատանքներով են զբաղված, ապրում են իրենց բնականոն կյանքով»,- ասել է նա։

 

 

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3202) ԱՄՆ (2273) Ռուսաստան (2072) Իրան (1729) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250