ՏԵՍԱՆՅՈՒԹ. Կախովկայի ավերված ՀԷԿ-ի ջուրը հեղեղել է Խերսոնի շրջանի բնակավայրերը

Ավերված Կախովկայի հիդրոէլեկտրակայանից ջուրը հեղեղել է Խերսոնի շրջանի բնակավայրերը: Կադրերում երեւում է, որ Կախովկայի հիդրոէլեկտրակայանի փլուզման  պատճառով Խերսոնի շրջանի բնակավայրերը մասամբ հեղեղվել են։ Նովայա Կախովկա, Գոլայա Պրիստան և Ալյոշկա են ուղարկվել ՌԴ ԱԻՆ փրկարարների երեք օպերատիվ խմբեր։

Ուկրաինայի Զինված ուժերի ազդեցության հետևանքով բնակավայրերի հեղեղումների հետ կապված իրավիճակը վերահսկելի է։ Կախովկայա հիդրոէլեկտրակայանում ստեղծված իրավիճակի օպերատիվ շտաբը գլխավորել է Խերսոնի շրջանի նահանգապետի պաշտոնակատար Վլադիմիր Սալդոն։

Ատոմային էներգիայի միջազգային գործակալությունն էլ  (ԱԷՄԳ) հայտարարել է, որ Զապորոժիեի ԱԷԿ-ի համար, Կախովի ՀԷԿ-ի ամբարտակի փլուզման պատճառով, առայժմ անմիջական սպառնալիք չի տեսնում։

«Կախովի ջրամբարի ջուրն անհրաժեշտ է, որպեսզի կայանը սնուցում ստանա Զապորոժիեի ԱԷԿ-ի տուրբինների կոնդենսատորների եւ անվտանգության համակարգերի համար»,- նշվել է «Էներգաատոմի» հաղորդագրությունում։ Ատոմակայանն առայժմ ջրի բավական պաշարներ ունի այդ կարիքների համար, բայց ջրամբարում ջրի մակարդակի սրընթաց իջնելու պատճառով իրավիճակը կարող է փոխվել, ասել են «Էներգաատոմում»՝ ավելացնելով, որ ընկերության մասնագետները հետեւում են իրավիճակին։ 

Ավելի վաղ հայտնել էինք, որ փլուզվել է Խերսոնի մարզում գտնվող Կախովկայի հիդրոէլեկտրակայանի ամբարտակը: