Auroranews-ն ահազանգ է ստացել, որ երեկ ժամը 20։30- ի սահմաններում Չարենցավանում տեղի է ունեցել կենդանու հանդեպ հերթական դաժան վերաբերմունքի դրսևորումը: Մեզ հետ կապ են հաստատել կենդանապաշտպաններ` Մարի Տեր-Անտոնյանը և Հրանտ Դավոյանը: Նրանց խոսքով՝ այս մասին իրենց տեղեկացրել է հենց կենդանասերը, ում աչքի առաջ և դեպքը տեղի ունեցել։ 

«Հենց ինքն է հանդիսացել շների խնամողը: Վերջիններիս համար տեղ է հատկացված եղել ավտոտնակում, բնակելի շենքերից բավական հեռու: Մեզ հասած տեղեկություններով՝ հանցանքը կատարողը եղել է ՝ Ք. Չարենցավանի 4-րդ թաղամասի 9 - րդ շենք բնակիչ Չոբանյան Ռուստամը ՊՆ - ի աշխատող է (Լուսակերտում է աշխատում)։ Վերջինս կրակել է երկու շան, որոնցից մեկը վիրավոր փախել է, մյուսը, ցավոք, սատկել: Ականատեսի կողմից հանցագործության մասին հաղորդում է ներկայացվել: 

Կոչ ենք անում պատկան մարմիններին անհապաղ միջոցներ ձեռնարկել տվյալ անձին հայտնաբերելու ուղղությամբ: Քաղաքացիներին էլ հորդորում ենք զերծ մնալ նման դաժան և անմարդկային գործողություններից: 

Հիշեցնում ենք, որ կենդանու հանդեպ դաժան վերաբերմունքը քրեորեն պատժելի արարք է, սահմանված ՀՀ քրեական օրենսգրքի 307րդ հոդվածով», - հավելեցին նրանք։