Ղրղզստանի հատուկ ծառայությունները պետական հեղաշրջման նախապատրաստման մեջ կասկածվող ավելի քան 30 մարդու են ձերբակալել: Այս մասին տեղեկանում ենք РИА Новости-ից։  

«Ձերբակալվել են այն անձինք, որոնք պլանավորում էին զանգվածային անկարգություններ և անհնազանդության ակցիաներ կազմակերպել իշխանությունը բռնի զավթելու նպատակով»,- հայտարարել է մամուլի ծառայության ներկայացուցիչը:

Նշվում է, որ ընդհանուր առմամբ դավադիրների խմբում ավելի քան հարյուր մարդ է եղել։ Հունիսի 5–ին նրանցից ավելի քան 30-ը ձերբակալվել են և արդեն խոստովանական ցուցմունքներ են տվել։