Բայրամովը քննարկել է հայ-ադրբեջանական հարաբերությունները ԵԱՀԿ պետությունների ներկայացուցիչների հետ

Ադրբեջանի արտաքին գործերի նախարար Ջեյհուն Բայրամովը այսօր Վիեննայում ԵԱՀԿ անդամ պետությունների մշտական ներկայացուցիչների հետ քննարկել է հայ-ադրբեջանական հարաբերությունների կարգավորման գործընթացը: Տեղեկությունը հայտնել է  Ադրբեջանի ԱԳՆ-ն: 

«Ադրբեջանի արտաքին գործերի նախարար Բայրամով Ջեյհունը մասնակցել է Հյուսիսային Մակեդոնիայի նախագահության կողմից կազմակերպված ԵԱՀԿ-ի մասնակից պետությունների մշտական ներկայացուցիչների «կլոր սեղանին»։ Բեղմնավոր քննարկումներ են ծավալվել ԵԱՀԿ-ի համագործակցության օրակարգի և հետկոնֆլիկտային շրջանում ադրբեջանա-հայկական հարաբերությունների շուրջ», - ասվում է հաղորդագրությունում։