Լուկաշենկոն շնորհավորել է Փաշինյանին ծննդյան օրվա առթիվ

Բելառուսի նախագահ Ալեքսանդր Լուկաշենկոն շնորհավորել է Հայաստանի վարչապետ Նիկոլ Փաշինյանին ծննդյան օրվա առթիվ, այս մասին տեղեկանում ենք Բելառուսի ղեկավարի մամուլի ծառայությունից։ 

«Համոզված եմ, որ ձեր հարուստ կառավարչական փորձը, պետական ​​խնդիրների լուծման մասնագիտական ​​մոտեցումը կշարունակի հաջողությամբ հաղթահարել Հայաստանի առջև ծառացած մարտահրավերները քաղաքական և սոցիալ-տնտեսական ոլորտներում, հասնել հայ ժողովրդի շահերից բխող բոլոր նպատակներին»,- նշվում է շնորհավորական ուղերձում։ 

Երկրի ղեկավարը ընդգծել է, որ կառուցողական երկխոսության շարունակության հույս ունի՝ ուղղված բելառուսա-հայկական համապարփակ գործընկերության զարգացմանը, սերտ համագործակցությանը ինտեգրացիոն ասոցիացիաներում, ռազմավարական համագործակցությանը միջազգային հարթակներում։ 

Ալեքսանդր Լուկաշենկոն Նիկոլ Փաշինյանին մաղթել է նորանոր հաջողություններ պատասխանատու աշխատանքում, քաջառողջություն, երջանկություն, խաղաղություն և ներդաշնակություն։