Պեսկովը մեկնաբանել է Կադիրովի՝ Ռուսաստանում ռազմական դրություն մտցնելու մասին հայտարարությունը
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Չեչնիայի ղեկավար Ռամզան Քադիրովի խոսքերը Ռուսաստանում ռազմական դրություն մտցնելու անհրաժեշտության մասին։
Կրեմլի խոսնակն ասել է, որ համապատասխան որոշումներ չեն ընդունվել։
«Սա բացառապես բարձրագույն դաշնային իշխանության իրավասությունն է, այս հարցի վերաբերյալ ոչ մի որոշում չի կայացվել, և այդ հարցի շուրջ քննարկումներ չեն տարվում», - ասել է Պեսկովը:
Հիշեցնենք՝ երեկ՝ մայիսի 30-ին, Քադիրովը ասել է, որ Ռուսաստանում պետք է ռազմական դրություն հայտարարվի՝ Ուկրաինայի կողմից ստեղծված «ահաբեկչական բջիջը չեզոքացնելու» համար, որը, նրա կարծիքով, պատասխանատու է Մոսկվայի վրա անօդաչու թռչող սարքի հարձակման համար։
