Երևանի նախկին ոստիկանապետն ու Արաբկիրի բաժնի նախկին պետը դիմել են հակակոռուպցիոն կոմիտեի նախագահին
Ոստիկանության Երևան քաղաքի վարչության նախկին պետ, ոստիկանության գնդապետ Գարիկ Ղուկասյանը և ոստիկանության Արաբկիրի բաժնի նախկին պետ, ոստիկանության գնդապետ Արման Պապյանը դիմում են ներկայացրել հակակոռուպցիոն կոմիտեի նախագահ Սասուն Խաչատրյանին, որ աշխատանքի անցնեն Ս. Խաչատրյանի ղեկավարած կառույցում: Այս մասին գրում է Shamshyan.com-ը՝ վկայակոչելով իր տեղեկությունները։
Գ. Ղուկասյանը տարիներ առաջ է ազատվել ոստիկանության Երևան քաղաքի վարչության պետի պաշտոնից, իսկ Ա. Պապյանը երեկ՝ ՀՀ Ներքին գործերի նախարար Վահե Ղազարյանի հրամանով ազատվել է աշխատանքից: Ու հիմա նրանք սպասում են Սասուն Խաչատրյանի որոշմանը:
Գ. Ղուկասյանը դիմում է ներկայացրել հակակոռուպցիոն կոմիտեի բաժիններից մեկի պետի, իսկ Ա. Պապյանը՝ տեղակալի պաշտոնի համար:
