Օտարերկրյա ներդրողները ՌԴ-ից 36 մլրդ դոլար են դուրս բերել
Ռուսաստանից հեռացած օտարերկրյա ներդրողները մեկ տարվա ընթացքում վաճառելով իրենց բիզնեսը՝ երկրից շուրջ 36 մլրդ դոլար են դուրս բերել։ Այս մասին հայտարարել է БКФ բանկի վերլուծական բաժնի ղեկավար Մաքսիմ Օսադչին, գրում է DW-ի ռուսական ծառայությունը։
Մաքսիմ Օսադչինը վերլուծել է Կենտրոնական բանկի տվյալները, որոնց համաձայն՝ 2022 թվականի մարտից մինչև 2023-ի մարտն ընկած ժամանակահատվածում Ռուսաստանից հեռացած ընկերությունների կողմից իրականացվել է ակտիվների վաճառքի 200 գործարք։
Հիշեցնենք, որ օտարերկրյա ներդրողները սկսել են ՌԴ-ից գնալ անցյալ տարվանից՝ Ուկրաինա ռուսական ներխուժումից և Արևմուտքի կողմից հակառուսական պատժամիջոցների ընդլայնումից հետո։
