ՏԵՍԱՆՅՈՒԹ. Մենք ունենք ծառերի հատման դեպք. թեժ գիծ զանգ է եղել. Ավինյան

 Երևանի քաղաքապետարանում ընթանում է  գործակարգավարական խորհրդակցությունը: 

«Մենք ունենք ծառերի հատման դեպք Կենտրոն վարչական շրջանում։ Եվ ես գիտեմ, որ մեր թեժ գիծ զանգ է եղել»,- այս մասին հայտարարել է  փոխքաղաքապետ Տիգրան Ավինյանը և պատասխանատուներից խնդրել է ներկայացնել, թե ինչպես է եղել դեպքը։

Երևանի քաղաքապետարանի աշխատակազմի քարտուղար Շավարշ Գրիգորյանի խոսքով՝ թեժ գծին զանգը եղել է  երկու անգամ և խնդիր է առաջացել թեժ գծի և տարածքի տեսուչի հետ կապի դուրս գալու հետ կապված։ «Խնդիրը այսօրևեթ կուղղվի»,- նշել է Գրիգորյանը։

«Պետք է խնդրեմ՝ ծառայողական քննություն սկսել։ Հասկանանք՝ այդ տեխնիկական խնդիրը ում խատճառով է եղել առաջին հերթին։ Երկրորդը՝ պարոն Ղուկասյան, ես վստահ եմ, որ հենց այնպես չեն այդ ծառերը հատվել. մեկի մտքով անցել է, որ այդ հողի հատվածը ինքը կարողանալու է զավթել։ Մի հատ ուղղարկեք ձեր տղաներին, ու առհասարակ, եթե այնտեղ որևէ տարածք կլինի ցանկապատված, կմաքրեք ամբողջությամբ»,- նշել  է Տիգրան Ավինյանը։ 

«Որևէ մեկի մտքի ծայրով չանցնի, որ այս մեթոդով իրենք նոր հողազավթումներ են կարողանալու անել։ Թեժ գիծ զանգ է եղել, դրանք պետք է միանգամից արձագանք ստանան։ Չենք կարող սպասել, որ ծառերը հատվեն, հետո մենք գնանք պոստ ֆակտում արձանագրենք»,- ասել  է Երևանի փոխքաղաքապետը։