Վրաստանում իրանցի է ձերբակալվել․ վերջինս փորձել է Հայաստանի տարածքով Եվրոպա հերոին տեղափոխել
Վրաստանի ոստիկանությունը ձերբակալել է Իրանի քաղաքացու, որը փորձել է Հայաստանի տարածքով մաքսանենգ ճանապարհով հերոինի մեծ խմբաքանակ տեղափոխել Եվրոպա։ Այս մասին հայտնում է Վրաստանի ՆԳՆ-ը։
Իրավապահները Փոթիի նավահանգստում առգրավել են 80 կիլոգրամ հերոին։ Թմրամիջոցները հայտնաբերվել են բեռնատար մեքենայի թաքստոցում։
Քննությամբ պարզվել է, որ մեղադրյալն Իրանի Իսկամական Հանրապետության քաղաքացի է, որը մտադիր էր հատկապես խոշոր չափի թմրամիջոցն Իրանից տեղափոխել Եվրոպա Հայաստանով և Վրաստանով։ Նա փորձել է դա անել Վրաստանի ծովային նավահանգիստներից մեկով, որտեղ էլ կալանավորվել է։
Նշվում է, որ հարուցվել է քրեական գործ մինչև 20 տարվա ազատազրկում նախատեսող հոդվածի հատկանիշներով:
