ՀԱՊԿ երկրների ՊՆ ղեկավարները Մինսկում կքննարկեն կոալիցիոն անվտանգության հարցերը

ՀԱՊԿ երկրների պաշտպանության նախարարները Մինսկում կքննարկեն ռազմական անվտանգությանը սպառնացող վտանգները և ճգնաժամային արձագանքման բարելավումը: Այս մասին հայտնել է կազմակերպության մամուլի քարտուղար Վլադիմիր Զայնետդինովը։

«Նախատեսվում է նաև քննարկել հավաքական անվտանգության համակարգի ուժերի և միջոցների համատեղ պատրաստման, ռազմատեխնիկական համագործակցության վերաբերյալ փաստաթղթեր»,- ասել է նա։

Նիստը կգլխավորի Բելառուսի պաշտպանության նախարար Վիկտոր Խրենինը, որին կմասնակցեն ՀԱՊԿ գլխավոր քարտուղար Իմանգալի Տասմագամբետովը և ՀԱՊԿ միացյալ շտաբի պետ Անատոլի Սիդորովը, հայտնել է մամուլի քարտուղարը։