Ձեռնպահ կմնամ դատական ակտի մասին տեսակետ ներկայացնելուց․ ՄԻՊ-ը՝ Գայանե Հակոբյանի կալանավորման մասին
Որպես մարդու իրավունքների պաշտպան օրենքով սահմանված ուղիղ արգելք ունեմ դատական ակտերի և դատարանների գործունեությանը միջամտելու տեսանկյունից, իսկ այս որոշումը դատարանի կողմից է կայացվել։ Այս մասին Հանրայինի եթերում ասել է ՀՀ մարդու իրավունքների պաշտպան Անահիտ Մանասյանը՝ անդրադառնալով՝ 44-օրյա պատերազմում զոհված զինծառայողի ծնող Գայանե Հակոբյանը կալանավորմանը։
Գայանե Հակոբյանը կալանավորվել է Աշոտ Փաշինյանի ենթադրյալ առևանգման գործով։
«Բայց ես ինքս հատուկ շեշտադրել եմ և հայտարարության տեքստում եմ հատուկ նշել, որ անհրաժեշտ է առաձնահատուկ ուշադրություն դարձնել այն հանգամանքին, որ կալանքը որպես խափանման միջոց կարող է կիրառվել բացառապես այն դեպքերում, երբ այլընտրանքային խափանման միջոցները հնարավորություն չեն տալիս ապահովելու անձի պատշաճ վարաքագիծը վարույթ շրջանակներում։ Ես բնականաբար ձեռնպահ կմնամ դատական ակտի վերաբերյալ և դրա հիիմնավորվածության վերաբերյալ որևէ տեսանկյուն և տեսակետ ներկայացնելուց»,- նշել է ՄԻ պաշտպանը:
Անահիտ Մանասյանն ասել է, որ իր համար ևս կարևոր է, որպեսզի դատական ակտի բողոքարկման համատեքստում ևս այդ խնդիրն արժանանա առաջնահերթ ուշադրության։
