Աշոտ Փաշինյանի և Գայանե Հակոբյանի առերեսումն ավարտվել է. փաստաբան
Աշոտ Փաշինյանի և Գայանե Հակոբյանի առերեսումն ավարտվել է։ Այս մասին քիչ առաջ լրագրողներին հայտնեց Գայանե Հակոբյանի փաստաբան Ռուբեն Մելիքյանը։
«Առեսերսում քննչական գործողությունը ավարտվեց։ Առերեսման ընթացակարգի մասով բացասական որևէ նկատառում չունենք, ըստ կարգի հասկացվեց։ 23։00-ին ունենք դատական նիստ մեր ներկայացրած ձերբակալման դեմ բողոքի քննությունն է Շենգավիթի դատարանում»,- ասել է նա։
Նա նշել է, որ ավելի ուշ խորհրդակցելուց հետո մամուլին մանրամասներ կհայտնեն։ Իր խոսքով՝ «բավականին ծավալուն» առերեսում է եղել։
Հարցին, թե Աշոտ Փաշինյանը առերեսման ժամանակ արդյոք պնդել է իր ցուցմունքը, փաստաբանը նշել է․ «Շատ նոր բաներ չենք լսել»։
Հիշեցնենք, որ Աշոտ Փաշինյանի ենթադրյալ առևանգման գործով Գայանե Հակոբյանի ձերբակալման դեմ բողոք է ներկայացվել դատարան։
