Լեռնային Ղարաբաղն Ադրբեջանին հանձնելը հայերի իրավունքների ոտնահարում է․ Զատուլին
Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը Говорит Москва ռադիոկայանին տված հարցազրույցում հայտարարել է, որ Լեռնային Ղարաբաղն Ադրբեջանին հանձնելը հայերի իրավունքների ոտնահարում է։
Նա այսպես է մեկնաբանել Հայաստանի վարչապետ Նիկոլ Փաշինյանի հայտարարությունն Ադրբեջանի տարածքային ամբողջականության ճանաչման վերաբերյալ, որի կազմում ընդգրկված կլինի Լեռնային Ղարաբաղը։
Զատուլինը վստահ է, որ Լեռնային Ղարաբաղի այն բնակիչներին, ովքեր կհրաժարվեն ընդունել Ադրբեջանի քաղաքացիություն, սպասվում է արտաքսում։
«Ինչ վերաբերում է Լեռնային Ղարաբաղին, ինչպես ասում են, գլուխը դուրս հանելիս մազերի համար չեն լացում»,- հավելել է նա։
