ԱՄՆ Պետդեպի արձագանքը՝ Բելգորոդի շրջանում դիվերսանտների հարձակմանը
ԱՄՆ-ն չի խրախուսում ուկրաինական հարվածները Ռուսաստանի տարածքին, սակայն Կիևին է թողնում որոշումներ կայացնելու իրավունք։ Այս մասին այսօր ճեպազրույցի ժամանակ հայտարարել է ԱՄՆ Պետդեպարտամենտի խոսնակ Մեթյու Միլլերը։
«Մենք չենք խրախուսում և հնարավորություններ չենք ընձեռում Ռուսաստանի ներսում հարվածներ հասցնելու համար, և մենք դա շատ պարզ ասել ենք։ Բայց մենք նաև ասացինք, որ կախված է Ուկրաինայից (որոշումներ կայացնելը), ինչպես վարել այս պատերազմը»,- ասել է նա՝ արձագանքելով Կիև արևմտյան զենքի տեղափոխման և դիվերսիոն-հետախուզական խմբի կողմից Բելգորոդի շրջանում հարձակման մասին լրագրողի խոսքերին։
Ավելի վաղ ցանցում հայտնվել էին կադրեր Բելգորոդի մարզում ուկրաինական դիվերսանտների վերացման վայրից։ Դրանցում ցուցադրվում են վնասված զինտեխնիկա, գետնին ընկած դեղին ժապավենով տեխնիկա, ինչպես նաև այրված պիկապ, որի դռան վրա գրված է «Բախմուտի համար»։
