ԵՄ-ը Կիևին ավելի շատ ՀՕՊ համակարգեր և այլ զինատեսակներ կուղարկի
ԵՄ արտաքին քաղաքականության պատասխանատու Ժոզեպ Բորելը հայտարարել է, որ ԵՄ-ն մտադիր է ընդլայնել ռազմական օգնությունն Ուկրաինային՝ ուղարկելով ավելի շատ հակաօդային պաշտպանության համակարգեր և այլ զինատեսակներ։
«Ուկրաինայի պաշտպանության հաջողությունը կախված է ոչ միայն մարդկանցից, այլև զինամթերքի և զենքի մատակարարումից։ Ուստի ռազմական օգնությունը պետք է շարունակվի, ակտիվանա և ընդլայնվի, ավելի շատ ՀՕՊ համակարգեր կխաղան իրենց դերը մարտի դաշտում»,- մեջբերում է ТАСС-ը նրա խոսքերը։
Բորելի խոսքով՝ դա չափազանց անհրաժեշտ է։
Ավելի վաղ նա հայտնել էր, որ ԵՄ երկրների արտգործնախարարները կքննարկեն Ուկրաինային ռազմական օգնության նոր փաթեթը եւ հակառուսական պատժամիջոցները։
