ՏԵՍԱՆՅՈՒԹ. «Մեզ երգն ու տանից դուրս գալու գաղափարն է միավորել». «Մարջան» երգչախմբի 90-ամյա երգչուհի
Երգի շուրջ համախմբված գյումրեցի տատիկների նորաստեղծ «Մարջան» երգչախումբը նախատեսում է ընդլայնել երգացանկը։
«Մարջան» երգչախմբի ղեկավար, Գյումրու Հովհաննես Շիրազի հուշատուն-թանգարանի ցուցանմուշների պատասխանատու, երաժիշտ Մարինա Մանուչարովան «Արմենպրես»-ի թղթակցին հայտնել են, որ նորաստեղծ երգչախմբի ամենատարեց երգչուհին 90 տարեկան է, ամենաերիտասարդը՝ 70։
«Մեզ երգն ու տանից դուրս գալու գաղափարն է միավորել»,- ասաել է 90-ամյա Բեթղեմ Պողոսյանը՝ նշելով՝ երգել միշտ է սիրել, բայց երբեք չէր պատկերացնում, որ երբևիցե երգելու է երգչախմբում:
Երգչախումբը ներկա պահին 10 անդամ ունի, երգացանկը ևս դեռ փոքր է՝ երկու-երեք երգ, բայց նոր երգեր սովորելու տատիկների ցանկությունը շատ մեծ է: Հանդիպում են շաբաթական երկու անգամ` թանգարանի բակում: Արդեն մի քանի համերգների մասնակցել են:
