Մառախուղ և կարկուտ.եղանակը Հայաստանում
Հայաստանի Հանրապետության տարածքում մայիսի 20-ին առանձին հատվածներում հնարավոր է մառախուղ, մայիսի 20-24-ը՝ նաև կարկուտ։ Տեղեկությունը հայտնում է ՇՄՆ «Հիդրոօդերևութաբանության և մոնիտորինգի կենտրոնը»։ Մայիսի 20-21-ը շրջանների զգալի մասում, 22-24-ն առանձին շրջաններում սպասվում է կարճատև անձրև և ամպրոպ, մայիսի 20-21-ն առանձին հատվածներում՝ ինտենսիվ։
Քամին հարավարևմտյան է՝ 2-5 մ/վ արագությամբ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:
Օդի ջերմաստիճանը մայիսի 20-21-ի ցերեկային ժամերին կնվազի 6-8 աստիճանով, 22-24-ը նույնքանով կբարձրանա։
Երևան քաղաքում մայիսի 20-21-ը սպասվում է կարճատև անձրև և ամպրոպ, 22-24-ը հնարավոր է անձրև և ամպրոպ։ Ամպրոպի ժամանակ՝ քամու ուժգնացում՝ 14-18 մ/վ արագությամբ։
Մայրաքաղաքում մայիսի 20-ի ցերեկային ժամերին կգրանցվի +18....+20 աստիճան։
