ՏԵՍԱՆՅՈՒԹ․ Optimus մարդանման ռոբոտը զգուշությամբ դիպչում է ձվին՝ առանց կոտրելու այն
Tesla-ի մարդանման ռոբոտը՝ Optimus-ը, սովորել է ճանաչել և վերցնել առարկաները: Ընկերությունը բարելավել է նաև մեքենաների քայլվածքը, այժմ նրանք քայլում են առանց սայթաքելու։
Tesla ընկերության բաժնետերերի ամենամյա ժողովի ժամանակ ընկերությունը հրապարակել է տեսանյութ, որում ցույց է տրվում, թե ինչպես են բարելավվել Optimus մարդանման ռոբոտների հնարավորությունները։
Ռոբոտները կարողանում են սկանավորել և մտապահել իրենց շրջապատը՝ ձևավորելով տարածքի թվային քարտեզը: Առարկաների հետ գործողություններում ռոբոտի ուսուցումը, ինչպես երևում է տեսանյութում, նաև իրականացվում է մարդու օգնությամբ։ Ռոբոտի գործարկիչ մեխանիզմները պարզապես կրկնում են մարդու շարժումները և դրանով իսկ ռոբոտը սովորում է կենդանի օրինակի վրա աշխատելու օպտիմալ գործողությունները: Բացի դրանից, Tesla-ն ռոբոտին նաև մարզում է ձեռքերը բարդ հետագծերով շարժելու և բարդ ձև ունեցող փափուկ կամ փխրուն առարկաների հետ վարվելու համար։
Tesla ընկերության ղեկավար Իլոն Մասկը բաժնետերերի հետ ամենամյա հանդիպման ժամանակ հերթական անգամ հայտարարել է, որ ժամանակի ընթացքում ռոբոտները Tesla-ին կբերեն եկամտի զգալի մասը, իսկ շուկայում կլինի 10-20 միլիարդ հատ ռոբոտ։
Նման ռոբոտի մոտավոր գինը պետք է կազմի մոտ 20,000 դոլար, իսկ դրա ծրագրային ապահովումը հիմնված կլինի նույն արհեստական բանականության համակարգի վրա, որը կիրառվում է ընկերության էլեկտրական ավտոմեքենաներում։
