Էրդողանի կուսակիցը քվեատուփի մոտ մահացել է

Թուրքիայի Ռիզե նահանգում ընտրական տեղամասերից մեկում մահացել է իշխող Արդարություն և զարգացում կուսակցության վստահված անձը։ Տեղեկությունը հայտնում է Milliyet գործակալությունը։

Շերեֆ Քուրթը 64 տարեկան էր, բժիշկները մահվան պատճառ են նշել սրտի կաթվածը։

«Ընտրական տեղամասերում սրտի կաթված է ստացել, հիվանդանոցում մահացել է»,– գրում է պարբերականը։

Նրան առաջին օգնություն են ցույց տվել ընտրատեղամասում գտնվող քաղաքացիններն ու մյուս աշխատակիցները։

Նշենք, որ Թուրքիայում այսօր համապետական ընտրություններ են` նախագահական և խորհրդարանական։

Նախագահի թեկնածուների վերջնական ցուցակում ընդգրկվել են գործող նախագահ, 69-ամյա Ռեջեփ Թայիփ Էրդողանը` որպես «Հանրապետական դաշինքի» միասնական թեկնածու, ընդդիմադիր «Ժողովրդական դաշինքի» միասնական թեկնածու, 74-ամյա Քեմալ Քըլըչդարօղլուն և Ata դաշինքի 55-ամյա թեկնածու Սինան Օհանը:

Չորրորդ թեկնածուն` Memleket կուսակցության առաջնորդ Մուհարեմ Ինջեն, ընտրություններից երեք օր առաջ հայտարարել էր իր թեկնածությունը հանելու մասին։