Հնդկաստանում զբոսաշրջային նավի խորտակման հետևանքով զոհերի թիվը հասել է 21-ի
Հնդկաստանի Կերալա նահանգի Թանուր քաղաքում զբոսաշրջային նավի վթարի հետևանքով զոհերի թիվը հասել է 21-ի, երկուշաբթի հաղորդում է ANI լրատվական գործակալությունը՝ հղում անելով անվտանգության ներկայացուցչին։
«Առայժմ մենք գտել ենք 21 դի: Մենք չգիտենք նավի վրա գտնվող մարդկանց ճշգրիտ թիվը, ուստի շարունակում ենք որոնումները՝ պարզելու համար, թե արդյոք կա՞ն այլ զոհեր»,- գործակալությունը մեջբերել է Շիջուի տարածաշրջանային հրշեջ բաժնի աշխատակից Քեյ Քեյի խոսքերը։
Դեպքի վայր են ժամանել շտապօգնության մի քանի ծառայություններ, փրկարարական աշխատանքները շարունակվում են։
Հիշեցնենք, որ մայիսի 7-ին Թանուրում տուրիստական նավ է շրջվել։ Տեղական իշխանությունների նախնական տվյալներով՝ երկհարկանի նավի վրա կարող էր լինել 35-ից 40 ուղևոր, այդ թվում՝ երեխաներ։ Հնդկաստանի վարչապետ Նարենդրա Մոդին Twitter-ի իր էջում ցավակցություն է հայտնել զոհվածների ընտանիքներին։
