Քարդաշյաններին չեն ընդօրինակելու․ Ստալոնեն ընտանեկան հեռուստաշոու է սկսում
Ամերիկացի աշխարհահռչակ կինոաստղ Սիլվեսթր Ստալոնեն հեռուստաշոու է սկսում իր ընտանիքի անդամների հետ։
«Ստալոնեի ընտանիքը» կոչվող շոուն ներկայացնող թրեյլերում նա հատուկ նշել է, որ Քարդաշյաններին չեն ընդօրինակելու։
«Կարծում եմ՝ Քարդաշյանները փայլուն էին և շատ օրիգինալ, ինչ նրանք անում էին։ Մենք գնալու ենք այլ ճանապարհով, ամենակարևորն այն է, որ չես փորձում ինչ-որ մեկին կրկնօրինակել։ Նրանք ովքեր են, մենք ովքեր ենք, և դա այն է, ինչը հանդիսատեսին բազմազանություն է հաղորդում», - ասել է Սիլվեսթր Ստալոնեն։
Ամերիկահայ Քիմ Քարդաշյանի և նրա քույրերի հեռուստաշոուն շարունակվել է ավելի քան 13 տարի։ Նա ցուցադրել էր նաև քույրերի հետ հայաստանյան այցելությունը 2015 թվականին։
