Շոյգուն հայտնել է՝ մեկ ամսվա ընթացքում որքան ուկրայնացի զինվորական է զոհվել
Ուկրաինայի զինված ուժերի կորուստները վերջին մեկ ամսվա ընթացքում կազմել են ավելի քան 15 հազար մարդ։ Այս մասին հայտարարել է ՌԴ պաշտպանության նախարարության ղեկավար Սերգեյ Շոյգուն՝ հավելելով, որ շփման գծի ողջ երկայնքով ռուսական զորքերը ակտիվ են։
«Չնայած արևմտյան երկրների աննախադեպ ռազմական օգնությանը, հակառակորդը զգալի կորուստներ է կրում: Միայն վերջին մեկ ամսվա ընթացքում նրանք կորցրել են ավելի քան 15 հազար մարդ», - ասել է նա ՌԴ զինված ուժերի ղեկավարության հետ խորհրդակցության ժամանակ:
Շոյգուն նաև հավելել է, որ Ռուսաստանում սկսվել է զենքի նորագույն տեսակների զանգվածային արտադրություն։
