Aerosmith-ը հրաժեշտի շրջագայություն կսկսի

Ամերիկյան Aerosmith ռոք խումբը Twitter-ի իր միկրոբլոգում հայտարարել է այս սեպտեմբերին մեկնարկող հրաժեշտի շրջագայության մասին: 

«50 տարի անց 10 համաշխարհային շրջագայություններ և ելույթներ ավելի քան 100 միլիոն երկրպագուների համար...»,- նշվում է հաղորդագրության մեջ։ 

Peace Out անվամբ շրջագայությունը կսկսվի սեպտեմբերի 2-ին Ֆիլադելֆիայում և կավարտվի 2024 թվականի հունվարի 26-ին Մոնրեալում, Կանադա: Հատուկ հյուրը կլինի Black Crowes խումբը։

The Associated Press-ին տված հարցազրույցում կիթառահար Ջո Փերրին ասել է, որ շրջագայությունը «խմբի 50-ամյակը նշելու հնարավորության նման մի բան է»: