Պայթյուն՝ Իլինոյսի գործարաններից մեկում․ կա զոհ

Մեկ մարդ մահացել է, ևս մեկը վիրավորվել ԱՄՆ Իլինոյս նահանգի նավթավերամշակման գործարանում պայթյունի հետևանքով, հաղորդում է NBC Chicago-ն՝ վկայակոչելով իր աղբյուրները։ 

Սկզբում հաղորդվում էր, որ պայթյունը տեղի է ունեցել գործարանում ասֆալտի ամբարի մեջ և վտանգ չի ներկայացնում բնակչության համար։ 

«Սակայն պայթյունի հետևանքով տարածքի որոշ էլեկտրահաղորդման գծեր խզվել են»,- ասվում է լրատվության մեջ։ 

Հեռուստաալիքի տվյալներով՝ միջադեպը տեղի է ունեցել Լեմոնտ քաղաքում՝ Seneca Petroleum-ին պատկանող ձեռնարկությունում։ Patch-ի տեղական հրատարակությունը, վկայակոչելով հրշեջ ծառայությանը, հայտնել է, որ նավթավերամշակման գործարանում բռնկված հրդեհը վերահսկվում է: Դրա մարմանը մասնակցում են քաղաքի բոլոր հրշեջները։